بنونات من فترة كنت ابحث عن منتج ودي اشتريه من ماركة معروفه وهاي اند للبشرة واشوف الريفيوز المهم مريت على مقاله رائعه لفت انتباهي وقلت خني اشاركم وش استفدت منها :
السائلة كانت تسأل وش افضل ماركه للعنايه بالبشره و القضاء على حبوب الشباب وجاء الرد:
اغلب هاذي الماركات مليئه بالمكونات السمية
بدال ما تخدم البشرة تضرها لانها تجردها من زيوتها الطبيعيه ومع التقشير القوي تحفزين البكتيريا .
لمن بشرتك تتعرض للملوثات الخارجيه او الاتربه او حتى الزيزت الي من شعرك لمن يكون على وجهك ممكن يهيج البشرة ويسبب ححبوب .
لذلك افضل شي انك تاخذين حمام يوميا وتستخدمين غسول لطيف للوجه والجسم وتغسلين كل شي وبعدين تمسحين وجهك بفوطه عشان تشيلين اي شي مترسب او متراكم .
السر للبشرة النقيه هو انك تخلينها تتنفس ..قد ماتقدرين حاولي ما تحطين ميك اب
وانا من رايي في حال حطيتي وتبين تشيلين الميك اب استخدمي زيت الزيتون وحطيه على قطعه قطن وخليه ثواني على وجهك ثم نظيفي وجهك. الماده الدهنيه راح تذيب الميك اب بدون ما تسبب حبوب ,بعدها غسلي وجهك وجففيه .
وفي المقاله استدلت الكاتبه بكلام دكتور انو فعلا كلما خليتي البشره تتنفس كلما اصبحت افضل
وكلما استخدمتي منتجات على بشرتك ,خاصه الدهنية ,راح تنزع توازنها الطبيعي وبالتالي يسبب الحبوب
ماركات التجميل تجيها دخل بالملياراات من التسويق والادعاءات . ممكن مثلا يسوقون لمنتج منظف راح ينزع كل زيوت وجهك ويخليه ناشف ويتعرض للتجاعيد أسرع بالتالي راح تضطرين تشترين المرطب من عندهم عشان يحارب المشاكل الي سببها المنتج الاول وهكذا .
واخيرا يا صديقاتي
السر للبشره المثاليه و المتوازنه هو الصحه
-اشربي ماء كثيرا
-كلي خضار وفاكهه يوميا . 2-3 حصص يوميا الى ان يكون نظام تتبعينه طول حياتك
-ادرسي جسمك وشوفي وش المأكولات الي ما تناسبك مثلا في ناس تسببلهم منتحات الحليب زياده في الهرمونات والافرازات الدهنيه
وراح ينعكس على البشره فاذا عرفتي .. راح تدوري لك على مصدر اخر للكالسيوم
-ومرة اخرى النظافه وعدم استخدام المنتجات الكميائيه بكثره .
يارب افدتكم زي ما حبيت افيد نفسي
♡
*معلومة قد تثير فضولك : اورجينز و كلنيك تابعه لاستي لودير
و لانكوم و ميبيلين تابعه للوريال
lamloom,
